Das musste hier ins Forum. Danke fuer die Idee, Tabs, aber die Fotoschule wollte ich damit nicht vollspammen *gg*

Im Leipzscher Zoo

Gind:  Baba, was is'n das?
Vader: Das sin Elefandn, mei Gind.
Gind:  Was sin denn Elefandn?
Vader: Das is, das sin ähm Elefandn.
Gind:  Aus was sin d'n die?
Vader: Nu aus Fleesch.
Gind:  Ham denn die gar geene Gnochn?
Vader: Doch, die ham och Gnochn.
Gind:  Die ham doch aber gar geen Gopp.
Vader: Doch die ham och e Gopp.
Gind:  Wo denne?
Vader: Nu vorne.
Gind:  Das gann aber ni stimm, Baba, wo de Ohrn sin, da is doch der Schwanz.
Vader: Nee, das is nisch der Schwanz, das is der Rissl.
Gind:  Ach, das is nisch der Schwanz?
Vader: Nee, mei Sonnnschein, das is ähm der Rissl.
Gind:  Was sin denn das fier Färde, Baba?
Vader: Das sin geene Färde, das sin Lehm.
Gind:  Nu gugge, wie die middm Rissel rumwedeln.
Vader: Weil's ähm Schwänze sin, mei Gind.
Gind:  Das is aber gomisch, isch denk immer, das sin ähm doch Rissel.
Vader: Nee, das sin Schwänze bei de Lehm.
Gind:  Wieviel Beene ham denn die?
Vader: Viere!
Gind:  Ham alle Lehm vier Beene, Baba?
Vader: Freilisch, mei Bub.
Gind:  Sin das dort Heringe, Baba?
Vader: Escha, mei Gind, das sin Seelehm.
Gind:  Wenn das Seelehm sin, wo ham denn die ihre Beene?
Vader: Die ham geene Beene, die ham Flossn.
Gind:  Was sin denn das, Flossn?
Vader: Das sin ähm Flossn, mei Gind!
Gind:  Gugge Baba, Diescher!
Vader: Das sin geene Diescher, das sin Affen.
Gind:  Die ham aber lange Flossn.
Vader: Das sin geene Flossn, das sin Beene.
Gind:  Warum sin denn das nu widder Beene?
Vader: Weil's ähm Beene sin bei de Affen!
Gind:  Warum denn, isch denk escha, 's wärn doch Flossen sin, Baba.
Gind:  Was sin das?
Vader: Das sin Gamele, mei Gind.
Gind:  An was siehst'n das?
Vader: De Gamele ham immer Högger offn Rücken.
Gind:  Baba, da muss isch immer denken, du wärst och e Gamel, weeschn deim Högger.
Vader: Aber mei Gind, so was därfste zu deim Baba nisch sochn.
Gind:  Sach ma, Baba, warum sin denn dort zwee Gamele drinne?
Vader: Nu, weilse verheiraded sin alle beede.
Gind:  Heiradn eschndlisch alle Diere, Baba?
Vader: Nee, mei Gind, heiradn dun bloß de Gamele!

jaja so simmer ähm

*lach*
heiradn dun bloß de Gamele... *nickt voller Überzeugung*

Hoffendlich verstehn das alle nichsächsschn Golleschn :-)

Ich frag mich nur noch immer was Lehm sind ... aber ansonsten 1a verstanden ^^

Gind: "Babba, welschn Ordiggl haddn Lehm?"
Vader: "Nu, gummt druff an, mei Gind. Der Lehm is der Lehm zum Döbbern. Das Lehm is das Lehm bis zum Dode. Und die Lehm hammer dochn Sonnahmd im Dierbark gesehn!"
Gind: "Und Dom, Babba?"
Vader: "Na das gommt ooch druff an. Der Dom is ne Gaddedrahle. Das Dom machsde offn Schbielblatz. Und die Dom gurrn uffn Dache."

Die Lehm im Dierbark in Leipzsch würde man, korrigiert mich, in vielen anderen Teilen der deutschsprachigen Welt Löwen nennen.

ups, was ist nun aber "das Dom offn Schbielblatz"??? O.O

das Toben???

OMG.. so sprecht ihr? o.O

Die Lehm haben mich auch vor ein Problem gestellt, aber bei den "Seelehm" fiel bei mir dann der Groschen.

Hat nicht neulich hier jemand über meinen wunderschönen Kohlenpott-Dialekt gemeckert?

das dädn mir nie duhn Lano

Ihr seid nich so schäbbich, wonnich?

klopp domma beise ^^

*immer noch kichert*